ҶАВОНОН-СОЗАНДАИ ФАРДОИ ҶОМЕА

          Мӯъминобод, 1 декабр. (АМИТ «Ховар»,  Сулаймон Холов). – Бахши ҷавонон, варзиш  ва  сайёҳии  ҳукумати ноҳияи  Мӯъминобод баҳри  иҷрои  қонуни Ҷумҳурии  Тоҷикистон «Дар  бораи  рушди  тарбияи  ҷисмонӣ  ва  варзиш  барои солҳои 2006 – 2010» миёни  ҷавонон чорабиниҳои  варзишӣ  доир намуд. Абдулло Раҷабов-  мудири  бахши  ҷавонон, варзиш ва  сайёҳии ҳукумати ноҳия  дар   робита ба ин  мавзӯъ  гуфт, ки  ҷавонони  ноҳия  дар  23  мусобиқаи  варзишии бахшида ба  санаҳои  таърихӣ, 7  мусобиқаи  вилоятӣ  ва  11  мусобиқаи ҷумҳуриявӣ  ширкат  варзида,  сазовори 4  медали  тилло,  16  медали  нуқра ва 7  медали  биринҷӣ гардиданд. Ба   иттилои   манбаъ,   соли  ҷорӣ  дар  арафаи    рӯзи  ҷавонони  Тоҷикистон  бо  дастгирии  раиси  ноҳия  Сафаралӣ  Зокиров  дар  4  ҷамоати  шаҳраку  деҳоти  ноҳия  5  майдончаи  варзишӣ  якҷо бо  лавозимоти  варзишӣ  бунёд  гардида, ҳамчун  тӯҳфаи  раиси  ноҳия  ба  ҷавонон  супорида шуд, ки  маблағи  он 11000 сомониро   ташкил дод.  Ин дастгирӣ ҷавонони ноҳияро рӯҳбаланд намуда баҳри фатҳи қуллаҳои баланд равона месозад.