БА ИСТИФОДАИ АНГИШТСАНГ ГУЗАШТААНД

Ваҳдат, 23 декабр.(АМИТ «Ховар», Зебо Давлатова).- Бино ба иттилои  сардори шабакаи  гармидиҳии   шаҳри  Ваҳдат  Азиз Уразов баъди  пошхӯрии  Иттиҳоди  Шӯравӣ  ин  корхона, ки қаблан  тамоми   шаҳрро  бо   гармӣ  таъмин  мекард,  бо  сабаби  набудани  газу барқи  доимӣ  солҳои охир  аз  фаъолият  бозмонд. Уразов  афзуд, ки барои  бо  гармӣ таъмин  намудани  аҳолӣ  дегхонаҳои  оташӣ ташкил  шудаанд, ки бо  ангиштсанг  фаъолият менамоянд. Дар  назди  корхона    ҳаммоми  хубу  дорои  таҷҳизоти  замонавӣ   ба  истифода дода шуд, ки  бо  ангиштсанг  гарм  карда  мешавад. Инчунин  дегхонаҳои  кӯчаи  Бохтари ноҳияи  Ваҳдат  ба  маблағи  103  ҳазор  сомонӣ  ба  истифода  дода шуд, ки  ба  воситаи  ангиштсанг  гарм  карда мешавад ва аҳолии  ин  кӯча пурра бо  гармӣ  таъмин  мебошанд.  Айни  замон  зиёда  аз  8 ҳазор  аҳолӣ дар  хонаҳои  баландошёна  бо  оби ошомиданӣ таъмин  мебошанд. Дар  оянда  ният  дорем, ки тамоми  боғчаю  мактабҳои  шаҳрро бо   истифода  аз  ангиштсанг  гарм  намоем. Чунки  дар  шароити  кунунӣ  набудани  барқу  гази  доимӣ  монеаи асосии  кори мост, мегӯяд А. Уразов.