ДИПЛОМАТИ БРИТАНИЯ ДАР ИСФАРАВУ ИСТАРАВШАН

Душанбе, 1 декабр. (АМИТ «Ховар», Бекназари Абӯбакр). — Ташрифи  сафири Британияи Кабир дар Ҷумҳурии Тоҷикистон Тревор Мур ва мушовир оид ба рушди маҳаллии Вазорати рушди байналмилали Британияи Кабир дар Ҷумҳурии Тоҷикистон Гая Алисон  ба вилояти Суғд санаи 29 – уми ноябр оғоз ёфта, то 2 декабри соли равон идома меёбад. Аз хадамоти матбуоти раиси вилояти Суғд ба АМИТ «Ховар» иттилоъ доданд, ки зимни сафар меҳмонон аз шаҳрҳои Истаравшан ва Исфара боздид ба амал оварда, бо намояндагони  мақомоти иҷроия, ходимони дини масҷиди  марказии шаҳри Истаравшан, омӯзгорони забони англисии  мактабҳои таҳсилоти умумии шаҳри Исфара мулоқот анҷом медиҳанд.  Ҳадафи асосии ташрифи меҳмонон  шиносоӣ бо рафти иҷрои барномаи рушди иқтисодии маҳал мебошад, ки аз тарафи Ҳукумати Британияи Кабир маблағгузорӣ мешавад.