КИТОБ — РУКНИ МУҲИМИ ТАМАДДУНИ БАШАРӢ
Душанбе, 1 декабр. (АМИТ «Ховар», Дилшодаи Ҷонмард). — 30 ноябри соли равон дар Китобхонаи миллии ба номи Абулқосим Фирдавсӣ ба ифтихори 75-солагии зодрӯзи китобшиноси маъруфи тоҷик Раҳимҷони Шарифзода конфронси илмии «Истиқлолият ва рушди илми китобдории тоҷик» доир гардид. Ташаббускорони конфронси мазкур Вазорати фарҳанги Ҷумҳурии Тоҷикистон, Китобхонаи миллии ба номи Абулқосим Фирдавсӣ, Пажӯҳишгоҳи илмӣ-тадқиқотии фарҳанг ва иттилоот ва Китобхонаи давлатии бачагонаи ба номи Мирсаид Миршакар мебошанд. Дар кори конфронс намояндагони Пажӯҳишгоҳи илмӣ-тадқиқотии фарҳанг ва иттилоот, Китобхонаи миллии ба номи Фирдавсӣ ва Китобхонаи давлатии бачагонаи ба номи Мирсаид Миршакар иштирок ва суханронӣ намуданд. Аз ҷумла, сардори Раёсати рушди муассисаҳои фарҳангӣ- фароғатии Вазорати фарҳанг Сафар Шосаидов дар мавзўи «Раҳимҷони Шарифзода ва китобдории даврони истиқлолият», директори Пажӯҳишгоҳи илмӣ-тадқиқ отии фарҳанг ва иттилоот Қурбоналӣ Бӯриев дар мавзӯи «Саҳми Раҳимҷони Шарифзода дар эҳё ва рушду такомули илми китобдории тоҷик» сухан гуфтанд. Пас аз ҷамъбасти конфронс намоиши китобҳо таҳти унвони «Китоб — рукни муҳими тамаддуни башарӣ» баргузор шуд. Дар ин бора аз маркази матбуоти Вазорати фарҳанг хабар доданд.
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ вориди шаҳри Тошканд гардиданд
Имрӯз дар шаҳри Душанбе борон меборад
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
