МУЛОҚОТИ Э. РАҲМОН БО АБДУЛЛО ГУЛ

Душанбе, 23 декабр. (АМИТ «Ховар») — 22 декабри соли 2010 Президенти Ҷумҳурии Тоҷикистон Эмомалӣ Раҳмон дар шаҳри Истамбул бо Президенти Ҷумҳурии Туркия Абдулло Гул мулоқот намуд. Дар мулоқот масоили вобаста ба муносиботи дўстӣ ва ҳамкории гуногунҷанбаи ду кишвар баррасӣ шуд. «Туркия д?сти боэътимод ва шарики муҳими мо мебошад ва мо ба густариши  равобит бо он ҳавасманд ҳастем», — изҳор дошт дар оғози сўҳбат Сарвари давлати Тоҷикистон Эмомалӣ Раҳмон. Аз сатҳ ва мазмуни ҳамкории      дуҷониба изҳори қаноатмандӣ карда шуд, аз ҷумла зикр гардид, ки ҳаҷми тиҷорати мутақобила дар 10 моҳи соли равон нисбат ба ҳамин давраи соли гузашта 2 баробар афзоиш ёфтааст. Сарони ду давлат фаъолтар намудани кори Комиссияи байниҳукуматии иқтисодиро зарур шумурда, пешниҳоди навро доир ба таъсиси бахши энергетикии он тадбири судбахш арзёбӣ намуданд.