СУҒД ҒОЛИБОНИ ФЕСТИВАЛИ «НАВОЗАНДАИ ҶАВОН»-РО МУАЙЯН КАРД

Душанбе, 9 декабр. (АМИТ «Ховар», Бекназари Абӯбакр). — Чанде қабл дар толори Коллеҷи санъати ба номи Содирхон Ҳофизи шаҳри Хуҷанд даври аввали Фестивали ҷумҳуриявии мусиқии касбии «Навозандаи ҷавон» бо иштироки зиёда аз 80 нафар иштирокчиён аз шаҳру ноҳияҳои вилояти Суғд ҷамъбаст гардид. Аъзои ҳакамони фестивал навозандагони ҷавони боистеъдод аз шаҳру ноҳияҳои Хуҷанд — Ширин Ҳамдамова бо асбоби скрипка дар ҳамовозии фортопианно, Анҷелла Ли бо асбоби кселофон, Абдуазиз Шокиров бо асбоби баян ва Азизҷон Юнусов бо асбоби аккардеон, Чкалов — Шероз Бойматов бо асбоби ғижжак ва Баҳром Сайдуллоев бо асбоби най, Қайроққум – Тоҷинисо Шарипова бо асбоби фортопианно, Спитамен – Сабрина Ҳаётҷонзода бо асбоби дутор, донишҷӯёни Коллеҷи санъати ба номи Содирхон Ҳофизи шаҳри Хуҷанд – Шерзод Абдуқаҳҳоров, Диловар Рӯзиев ва Дилшод Ҳамроқулов бо асбоби рубоби қошғарӣ ва аз Маркази фарҳанги мусиқии тоҷик «Ҳунар» Хуршед Ниёзовро ғолиб дониста, ба даври дуюми фестивал тавсия намуданд. Мавризи тазаккур аст, ки даври дуюми фестивали мазкур аз 18 то 22 декабри соли равон дар шаҳри Душанбе баргузор мегардад.