БАРҚИЯИ ЭМОМАЛӢ РАҲМОН БА ҲУСНӢ МУБОРАК

   Президенти Ҷумҳурии  Тоҷикистон Эмомалӣ  Раҳмон  ба  Президенти Ҷумҳурии Мисри  Араб Муҳаммад Ҳуснӣ Муборак  барқияи  таъзия  ирсол  дошт, ки  дар он  омадааст:    Ман бо тамоми  ҳастӣ  таркиши дар  назди Калисои Қиддисини вилояти Искандария рухдодаро  маҳкум  намуда,  ба наздикон ва хешу  таборони  қурбоншудагон  арзи  тасаллият ва  ҳамдардӣ  менамоям.    Парвардигор  диёри Миср  ва  мардуми онро  аз  ҳама гуна  бадиҳо ва  макрӯҳот  нигоҳ  дорад.    Дар ин  бора ба  АМИТ «Ховар»  аз  Хадамоти  матбуоти Президенти Ҷумҳурии  Тоҷикистон иттилоъ  доданд.