ХОНАИ СЕҲУҶРАГИИ «МУАЛЛИМИ СОЛ»

Душанбе, 7 январ. (АМИТ «Ховар», Лаззат Диловарзод).- Бино ба иттилои Раёсати маорифи шаҳри Душанбе   озмуни ҷумҳуриявии «Мактаби сол» ва «Муаллими соли 2010» ҷамъбаст гардид. Ширкати  муаллимон дар ин озмунҳо  бо дилгармӣ ва хоҳиши том сурат мегирад, зеро ғолибон дар баробари гирифтани унвони фахрӣ соҳиби хонаи сеҳуҷрадор низ мегарданд.    Аз рӯи ҷамъбасти пешакӣ унвони фахрии «Мактаби сол»  насиби мактаби миёнаи  рақами 42 – и ноҳияи Фирдавсии пойтахт ва унвони боэътибори «Муаллими соли 2010» аз рӯи маҳорати касбию педагогӣ миёни иштирокчиёни озмуни ҷумҳуриявӣ насиби муаллимаи синфҳои ибтидоии литсейи рақами 55 – и пойтахт Бунавша Ғаниева ва   ҷои дуюм насиби  муаллими  фанни физикаи мактаби миёнаи  рақами 21 – и шаҳри Душанбе Чумак Василий Сергеевич  гардид.