ПАЙКАРАҲОИ МУМИИ СИНО ВА МАВЛОНО ДАР АНҚАРА

   Истанбул, 14 феврал. (АМИТ «Ховар», Катерина Аксакова). – Пайкараҳои мумии шахсони машҳури ҷаҳон дар яке аз марказҳои тиҷоратии шаҳри Анқара гузошта шуданд.   Тавре шабакаи телевизионии ТРТ хабар дод, тамошобинони ин намоишгоҳ имкон пайдо намуданд, ки сайёҳат ба замонҳоро анҷом диҳанд. Дар қатори шахсиятҳои дар ҷаҳон машҳур, чун Майкл Ҷексон, Екатеринаи II, Достоевский ва Наполеон бори аввал ба диққати сокинон ва меҳмонони пойтахти Туркия пайкараҳои мумии шахсиятҳои барҷастаи олами шарқ вогузор гардид. Дар пеши назари тамошобинони маркази тиҷоратӣ пайкараҳои олим, файласуф ва табиб Абӯалӣ ибни Сино, шоир ва сӯфии тоҷику форс Мавлоно Ҷалолиддини Румӣ, нахустин Президенти Туркия Отатурк ва меъмору муҳандиси машҳури давраи туркҳои усмонӣ Мимар Синон ҷилвагар гардиданд.    Зимни тайёр намудани пайкараҳои мумӣ мӯйҳои табиӣ ва дандонҳои сунъӣ истифода шудаанд. ки тавассути онҳо пайкараҳо ҳақиқӣ ба назар мерасанд.