ИНШООТИ ҶАШНИИ РОҒУН

Роғун,  16  март. (АМИТ «Ховар», Зебо  Давлатова). –  Солҳои охир  шаҳри  Роғун     хеле  зебою обод  ба  чашм  мерасад. Тавре    ба  хабарнигори  АМИТ «Ховар» ёрдамчии  раиси  шаҳр  оид ба  иттилоот Мӯъминшо Тоиров  хабар дод, бахшида ба  ҷашни  Наврӯз  ва  истиқболи арзандаи 20 – солагии  Истиқлолияти давлатии ҶТ  дар  шаҳри  Роғун  аз  ҳисоби буҷаи  маҳаллӣ  сохтмони  мактаб барои  372  нафар  хонанда  дар  деҳаи  Ҷавонӣ,  таъмири  асосии мактаби рақами  4 бо шабакаи  гармидиҳӣ,  таъмири  асосии  мактаби  рақами  1, сохтмони  боғи  фарҳангу  фароғатӣ  дар  маркази  шаҳр,  сохтмони обанбори  оби нӯшокӣ  дар  шаҳраки  Обигарм, таъмири  кӯчаҳои  шаҳраки  Обигарм, таъмири  асосии  беморхонаи  шаҳраки  Обигарм,  сохтмони  меҳмонхонаи  МИМХД  -и  шаҳри  Роғун, сохтмони  фаввора  дар  маркази  шаҳр, таъмири толори  варзишӣ  то  ҷашни  Истиқлолият ҷараён доранд.  Мӯъминшо Тоиров  афзуд, ки  дар  ободонии  шаҳри  Роғун ва бунёди ин иншооти ҷашнӣ саҳми  соҳибкорони шаҳр  хеле назаррас аст. То имрӯз 10  иншооти  ҷашнӣ  сохта шудаанд, ки рӯзҳои  ҷашни  Наврӯз  ба  истифода дода  мешаванд.