ҶАРИМАИ УБУРИ РОҲ-17 СОМОНӢ

  Душанбе,   12 апрел. (АМИТ «Ховар», Сангзода Муслиҳиддин ). — Садамаҳои  зиёди нақлиётӣ  гувоҳи онанд, ки   шаҳрвандон  қоидаҳои  ҳаракати  роҳро  риоя  намекунанд.  Тавре   нозири гурӯҳи ташвиқоту тарғиботи БДА, майори  милиса  Мирзохон  Саидов зимни сӯҳбат бо хабарнигори АМИТ «Ховар» иброз  намуд,  аз  5 – ум  то  15  апрели  соли  ҷорӣ  дар роҳҳои ҷумҳурӣ корҳои  профилактикӣ  гузаронида  мешаванд, ки мақсад аз гузаронидани он риояи дурусти     қоидаҳои роҳ аз ҷониби   пиёдагардон  мебошад.   Мирзохон  Саидов  зимни  сӯҳбат  зикр  намуд, ки   шаҳрвандоне, ки қоидаҳои  ҳаракати роҳро  риоя  намекунанд,  аз  ҷониби  мақомоти  БДА   ҷарима   мешаванд. Ҷаримаи  тартиб додашуда  17  сомониву  50  дирам  мебошад.           Аз ин рӯ  аз шаҳрвандони ҷумҳурӣ  хоҳиш  мешавад,  ки қоидаҳои  ҳаракат дар  роҳро вайрон  накунанд.