Рушди бозии шоҳмот дар Мурғоб

Хоруғ, 1 август. (АМИТ «Ховар», Лутфишоҳ Додоев). – Толибилмони мактаби ҳамагонии рақами 6 – и ҷамоати деҳоти Аличӯли ноҳияи Мурғоб таътили тобистонаро асосан дар толори варзиши мактаб мегузаронанд. Дар ин ҷо ба гурӯҳи шоҳмот бештар толибилмони синфҳои 1 то 6 шомил гардиданд. Дар ин дабистон дастаи мукаммали шоҳмот тарбия ёфта, борҳо дар мусобиқоти ноҳиявию вилоятӣ ғолиб омадаанд. Дар давраи таътили тобистона ҳар рӯз чаҳор гурӯҳ хонандагони синфҳои поёнӣ дар мусобиқаи шоҳмот иштирок менамоянд.