Васли таҷҳизоти нав

Хоруғ, 1 август. (АМИТ «Ховар», Лутфишоҳ Додоев). – Таъмини мӯътадили истеъмолкунандагон бо қувваи барқ ва дар ин замина баланд бардоштани сифати хизматрасонии он омили беҳбуди зиндагии мардум аст, гуфт менеҷери ширкати «Помирэнержи» Биёбоншоҳ Парпишоев. Аз ин хотир имрӯз баробари таъмиру таҷдиди дастгоҳҳо мутахассисони он ҳамвора ба ивазкунии қисме аз таҷҳизот, ки мӯҳлати истифодааш қатъ гардид, шурӯъ намуда, ба ҷои онҳо таҷҳизоти нави замонавӣ ва ба талаб ҷавобгӯ насб мекунанд. Бо дархости роҳбарияти ширкати барқии Помир аз Давлати Чин ба ин ҷо таҷҳизоти замонавӣ дастрас гардид, ки др баланд бардоштани эътимодияти зеристгоҳҳо ҳамто надорад, Ин таҷҳизоти нав аслан ба фаъолияти мӯътадили зердастгоҳҳои самти Хоруғ — Рӯшон мусоидати хубе хоҳад намуд.
 
Дар ин самт дар шабакаҳои интиқоли нерӯи барқи 35 киловатта корҳои муайяне сомон дода шуданд. Насбу васли таҷҳизоти навро худи коршиносони ширкати «Чинт» — и давлати Чин ба ӯҳда доранд.