Варзиш гарави саломатист

Кӯлоб, 15 сентябр. (АМИТ «Ховар», С. Холов). – Дар мактаби варзишии ноҳияи Мирсаид Алии Ҳамадонӣ беш аз 70 нафар наврасону ҷавонон бо гӯштини миллӣ фаро гирифта шудаанд. Дастпарварони ин мактаби варзишӣ дар якчанд мусобиқаҳои вилоятию ҷумҳуриявӣ ширкат варзида, сазовори мақоми ифтихорӣ гардидаанд. Мавриди зикр аст, ки соли равон бо ташаббуси бахши ҷавонон, варзиш ва сайёҳии минтақа ба истиқболи ҷашни 20 – умин солгарди Истиқлолияти давлатии ҷумҳурии Тоҷикистон дар шаҳри Кӯлоб аз рӯи 14 намуд мусобиқоти вилоятӣ ва ба хотири ёдбуди ҷаҳонпаҳлавон Сайидмӯъмин Раҳимов мусобиқаи ҷумҳуриявӣ доир гардид, ки дар онҳо кулли варзишгарон фаъолона ширкат намуданд.