Бузургдошти забони давлатӣ дар Саридораи геология

Душанбе, 7 октябр. (АМИТ «Ховар», Лутфия Эшонқулова).- Дар Саридораи геологияи назди Ҳукумати Ҷумҳурии Тоҷикистон ба муносибати Рӯзи забони давлатии Ҷумҳурии Тоҷикистон ҷамъомад доир гардид.Тавре ки ба АМИТ «Ховар» аз идораи мазкур хабар доданд, дар чрабинии мазкур сардори Саридора Азим Иброҳим перомуни таҷлили рӯзи забони давлатӣ сухан ронда иброз намуд, ки ҳар як фарзанди миллати тоҷик бояд номбардори сазовори гузаштагон ва парчамбардори забону фарҳанги миллати хеш бошад. Ҳар як шаҳрванд, аз ҷумла роҳбарон ва кормандону мутахассисони ташкилоту муассисаҳо бояд забони давлатиро хуб донанд ва он гоҳ мо метавонем насли навро дар рӯҳияи муҳаббат ба Модар, Ватан ва забони миллӣ, ки аз муқаддасоти олӣ эътироф гардидаанд, тарбия намоем.«Хушбахтона, ин талабот дар байни кормандони Саридора ва корхонаҳои тобеи он мавриди амал қарор дорад»,- илова намуд Азим Иброҳим.