Дастовардҳои Пажӯҳишгоҳи зироаткорӣ

Душанбе, 7 октябр. (АМИТ «Ховар», Лаззат Диловарзод).- Олимони Пажӯҳишгоҳи зироаткории Академияи илмҳои кишоварзиии ҶТ се навъи гандуми мулоимдонаи навъи «Лалмикор -1», «Лалмикор — 2» ва «Фарҳод — 60»- ро офаридаанд, ки ба иқлими хушк нисбатан тобоваранд,- гуфт президенти Академияи илмҳои кишоварзии ҶТ академик Ҳукматулло Аҳмадов ба мухбири АМИТ «Ховар».Ба иттилои манбаъ, татқиқот муайян намуд, ки истифодаи маводи биологии «ризотрофин» дар заминҳои лалмии Тоҷикистон ҳосилнокии зироати лӯбиёгиро дучанд мекунад. Соли ҷорӣ дар филиалу пойгоҳ ва хоҷагиҳои зертобеи Пажӯҳишгоҳи зироаткорӣ 632,5 тонна тухмии хушсифати зироати кишоварзӣ истеҳсол гардид. Аз миқдори тухмии истеҳсолшуда 6 тонна навъи олитарин, 16,5 тонна олӣ, 316 тонна ба истилоҳ репродуксияи якум ва 260 тоннаро репродуксияи дуюм ташкил медиҳад. Аз тухмиҳои истеҳсолшуда 595 тонна гандум, 8 тонна ҷав, 23 тонна сулӣ, 0,6 тонна ҷавдор, 1,1 тонна нахӯд, 4 тонна маъсар ва 0,8 тоннаашро тухмии зағир ташкил медиҳад.