Тандурустӣ рушд дорад

Хоруғ, 15 октябр. (АМИТ «Ховар», Л.Додо ). – Соли  ҷорӣ  дар  ҳудуди  ВМКБ  якчанд  муассисоти  соҳаи тандурустӣ  бунёд ва таъмир  гардид. Ба  гуфти  муовини  садри  Раёсати  тандурустии  вилоят Нуралӣ  Додалиев танҳо 9  моҳи   соли  ҷорӣ   дар  шаҳри  Хоруғ  бунёди  биноҳои  баландошёнаи  филиали  Маркази  ҷумҳуриявии  хариди  дорувор  ва  асбобу  таҷҳизоти  тиббӣ,  касалхонаи бемориҳои сил,  Хадамоти  назорати  давлатии  фаъолияти фармасевтӣ ва  озмоишгоҳи он  оғоз  гардид. Моҳи  сентябри  соли  ҷорӣ  Президенти  кишвар  Эмомалӣ  Раҳмон нахустхишти таваллудхонаро  гузошт,  Дар  ноҳияи  Ишкошим 7 маркази  саломатию  бунгоҳҳои  тиббӣ  таъмир  карда шуданд. Дар   шаҳру  навоҳии  вилоят  чунин  бунёдкориҳо  идома  дорад.