Захираи дусолаи озуқа доранд

Хоруғ, 10 октябр. (АМИТ «Ховар»,  Л.Додо). – Ба  камзаминии  навоҳии  ВМКБ  нигоҳ  накарда,  сокинони  мавзеъҳои  алоҳидаи  Бадахшон  на танҳо худро  бо  ғаллаи  яксолаи  худӣ таъмин  мекунанд, балки онро барои  солҳои  оянда  низ  захира менамоянд. Яке  аз  чунин  маҳаллот  деҳаи  Рини   ноҳияи  Ишкошим  мебошад. Дар  ин  ҷо  замини  ҳамвору ҳосилхез  зиёд аст. Ба гуфти  сокинони  деҳаи  Рин Хушқадам Қадамов,  ҳамаи  сокинони  деҳа  соҳиби қитъаи  замин  буда  ва  ҳар  яке барои оилааш  ба таври  кофӣ озуқа  захира  менамояд. Дар  ноҳияи  Ишкошим  на танҳо  сокинони  деҳаи  Рин,  балки  қариб  ҳамаи  сокинони  деҳаҳои  дигар  ҳам  захираи  яксолавву  дусолаи  озуқа  доранд.