«Тоҷиктелеком» дар хизмати мардум

Кӯлоб, 7 декабр. (АМИТ «Ховар», Ф. Мадаминов). – Филиали «Тоҷиктелеком»-и шаҳри Кӯлоб ба 9266 нафар шаҳрванд, аз ҷумла ба 356 нафар дар деҳоти ҳудуди шаҳр хизмат мерасонад. Дар филиал 83 нафар коргар фаъолият мекунад ва маоши миёнаи онҳо 334 сомониро ташкил медиҳад.Кормандони коргоҳ дар нӯҳ моҳи соли ҷорӣ нақшаи кориро ба маблағи 585 ҳазору 500 сомонӣ иҷро намуданд, ки ин ба 103 фоиз баробар аст.Қарзҳои дебитории филиал 106, 400 сомониро ташкил медиҳанд, ки онҳо аслан аз ҳисоби корхонаҳои хусусӣ ва давлатӣ мебошанд. Кормандони филиал ният доранд, ки то Наврӯзи соли 2012 шумораи мизоҷонро ба 1 млн. нафар расонанд ва аз ин ҳисоб барои камбизоатон ба тариқи ройгон нуқтаҳои телефонӣ кушоянд. Моҳи аввали пардохти хизмат ройгон буда, минбаъд он дар ҳаҷми 0,02 дирам пардохт карда мешавад.