Вохӯрӣ дар «Зиракӣ»

Кӯлоб, 27 декабр. (АМИТ «Ховар», Сулаймон Холов).- Зимни вохӯрии навбатии роҳбарияти ҳокимияти давлатии шаҳри Кӯлоб ва сохторҳои давлатӣ бо фаъолони ҷамоати деҳоти «Зиракӣ» масъалаҳои гуногуни иҷтимоию иқтисодӣ, аз ҷумла таъмини амнияти озуқаворӣ ва истифодаи самараноки замин ва қитъаҳои наздиҳавлигӣ, гузаронидани шудгору кишти саривақтии тирамоҳӣ, истифодаи самараноки нерӯи барқ ва пардохти ҳаққи истифодаи он, вусъат бахшидани маъракаи ободонӣ ва ниҳолшинонӣ, бунёди боғу токзори нав мавриди баррасӣ қарор гирифтанд.Сокинони ҷамоат бар он назаранд, ки гузаронидани чунин вохӯриҳо, бешак, барои ҳалли мушкилоти ҷойдошта мусоидат хоҳанд кард.