Кӯмакгари Камол Алиспахич интихоб шуд

Душанбе, 2 март. ( АМИТ «Ховар», Аловиддин Бӯриев).- Дастаи мунтахаби мамлакатро дар мусобиқаи ниҳоии Ҷоми даъвати AФК-2012, ки дар дар Непал (8-18 март) баргузор хоҳад шуд, баробар бо сармураббии даста Камол Алиспахич, Алмир Сеферович омода мекунад. Ӯ минбаъд барои тарбияи ҷисмонии футболбозон ҷавоб хоҳад гуфт. Алмир Сеферович ҳамроҳ бо Алиспахич дар дастаҳои футболи «Сараево» (Босния), «Железничар» (Босния), «Ал-Иттиҳод» (Сурия) кор кардаанд. Ёдрас мешавем, ки дастаи мунтахаби Тоҷикистон дар гурӯҳи «В» бо тимҳои миллии Куриёи Шимолӣ, Ҳиндустон ва Филиппин рақобат мекунад. Ғолиби ин бозиҳо ба марҳилаи ниҳоии Ҷоми Осиё-2015, ки дар Австралия доир хоҳад шуд, роҳхат мегирад.