Нерӯи ҷамоаи тоҷикон

Душанбе, 12 март. (АМИТ «Ховар», Ҳалима Хушқадамова). – 12 март дар шаҳри Маскав мизи мудаввар дар мавзӯи «Ҷамоаи тоҷикон дар Русия: нерӯи иқтисодию фарҳангӣ» баргузор мешавад. Дар ин чорабинӣ намояндагони маъмурияти Президенти Федератсияи Русия, Думаи давлатии Федератсияи Русия, Хадамоти федералии муҷирати Русия, Намояндагии Хадамоти муҳоҷирати Тоҷикистон дар Федератсияи Русия, коршиносони Русия ва хориҷӣ иштирок менамоянд. Тавре директори лоиҳаҳои Бунёди рушди равобити байналмилалии «Ҳамсоягии нек», ҳамоҳангсози гурӯҳи корӣ аз рӯи масъалаҳои муҳоҷират ва проблемаҳои ҷамоаҳои Ҷунбиши «Русияи интернатсионалӣ» Ю.Московский ба АМИТ «Ховар» хабар дод, натиҷаи мизи мудаввар дар замимаи махсуси ҳафтавори федералии «Ахбори Русия» ва дар сомонаи иттилоотию таҳлилии «Ҳамсоягии нек» дарҷ мешавад. Бунёди рушди равобити байналмилалии «Ҳамсоягии нек» сарпарастии ин чорабиниро ба ӯҳда дорад.