Кӯмак ба маризон

Хоруғ, 5 апрел. (АМИТ «Ховар», Л.Додо ). – Кормандони Раёсати минтақавии гумрук ва Агентии назорати давлатии молиявӣ ва мубориза бо коруппсия дар ин рӯзҳои фасли баҳор ба аёдати маризони беморхонаи ақлу асаб воқеъ дар маркази ноҳияи Роштқалъа рафта, ба онҳо кӯмаки молию ғизоӣ мерасонанд.Раиси ноҳия Амоншоҳ Наврӯзшоев зимни мулоқот бо мухбири АМИТ «Ховар» иброз дошт, ки баъди дастури Президенти кишвар ва раиси вилоят дар мавриди дастгирии табақаҳои ниёзманди ҷомеа теъдоди муассисаҳои давлатӣ, созмонҳои ҷамъиятӣ ва соҳибкорони алоҳида, ки ин амали хайрро анҷом медиҳанд, ба маротиб афзуд.Кормандони беморхона аз кӯмаки муассисаҳои зикршуда изҳори миннатдорӣ намуда, иброз доштанд, ки чунин амалҳои хайрхоҳона бисёр мушкилоти молиявии беморхонаро аз байн мебаранд.