Кӯмаки техникии Чин ба Тоҷикистон
Душанбе, 2 апрел. (АМИТ «Ховар», Лаззат Диловарзод).- Имрӯз дар маҷлисгоҳи Вазорати рушди иқтисод ва савдо маросими имзои Ёддошти қабул дар бораи расонидани кӯмаки техникӣ миёни вазорати мазкур ва ҳукумати вилояти мухтори Шинҷону Уйғури Ҷумҳурии Чин баргузор гардид. Ёддоштро аз ҷониби Ҷумҳурии Тоҷикистон муовини вазири рушди иқтисод ва савдои ҶТ Саидраҳмон Назриев ва аз ҷониби Ҷумҳурии Мардумии Чин сардори департаменти тиҷорати вилояти мухтори Шинҷону Уйғур ҷаноби Хэ Имин ба имзо расониданд. Тибқи Ёддошти қабул ба ҶТ аз ҷониби ҳукумати Чин ба таври кафолатнок 25 трактор ва 10 автобус давра ба давра ворид карда мешавад.Ёдовар мешавем, ки ин кӯмак ҳангоми боздиди котиби комитети партиявии вилояти Шинҷону Уйғури Ҷумҳурии Мардумии Чин Чжан Чунсян моҳи августи соли 2010 аз Тоҷикистон қабул шуда буд. Тибқи ваъдаи Чжан Чунсян соли 2012 ба Тоҷикистон 10 автобуси мусофирбари тамғаи «Jing Long» ва 25 трактор барои соҳаи кишоварзӣ бояд ворид гардад.
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
