Эҳёи навъҳои арча дар Суғд

Суғд, 20 сентябр. (АМИТ «Ховар», Мирзалӣ Амонов).-Масоҳати хоҷагиии ҷангал дар ҳудуди вилояти Суғд 589 ҳазор гектар мебошад, 80 ҳазор гектари он арчазор буда, дар мавзеъҳои аз 1,5 ҳазор метр баландтар аз сатҳи баҳр месабзанд.  Дар чанд парваришгоҳи Муассисаи давлатии хоҷагии ҷангали вилояти Суғд ба тариқи кӯчат парвариши коҷи кабуд – навъи пурқиммати арчаро, ки аз намудҳои камёфти дарахти ороишист, ба роҳ монданд. Дар мавсими имсола эҳёву афзун намудани навъи арчаи зарафшонӣ – як навъи арчаи кӯҳӣ роҳандозӣ шуд. Дар минтақаҳои мансуб ба хоҷагии ҷангал дар 20 гектар зиёда 10 ҳазор бех ин навъи арча шинонида шуд. Боғи хуч 8 гектар ва ангат 21 гектар зиёд гардида, майдони сафедор дар 32 гектар бунёд шуда, дар 144 гектар барои пешгирии биёбоншавии мавзеъҳои алоҳида саксавул шинонида шуд.