11-уми октябр- Рӯзи байналмилалии духтарон

Душанбе, 9 октябр. (АМИТ «Ховар», Мавҷуда Анварӣ). – 11 октябри соли ҷорӣ дар Тоҷикистон ва ҷаҳон бори аввал Рӯзи байналмилалии духтарон ҷашн гирифта мешавад. Дар робита ба ин фардо дар «Маркази Исмоилия»-и шаҳри Душанбе намояндагии UNFPA дар Тоҷикистон маъракаи иттилоотиро доир хоҳад кард, ки дар ин самт аз хидмати ВАО, омода кардани барномаҳои радиоиву телевизионӣ ва кор бо раҳбарони ҷамоаҳо дар манотиқ кор гирифта мешавад.Мақсад аз баргузории ҳамоиш ҷалби диққати сохторҳои давлатию ҷамъиятӣ ба мушкилоти ҷавондухтарон дар Тоҷикистон ва дигар масъалаҳои вобаста ба он мебошад.Дар ин бора ба АМИТ «Ховар» аз намояндагии UNFPA дар Тоҷикистон иттилоъ доданд.