Ҳадяи «Адиб» ба 100- солагии нависандаи шаҳир

Душанбе, 9 октябр.(АМИТ «Ховар», Марзия Саидова).-Нашриёти «Адиб» ба ифтихори 100-солагии Нависандаи халқии Тоҷикистон, дорандаи Ҷоизаи давлатии ба номи устод Рўдакӣ –Сотим Улуғзода силсилаи асарҳои нависандаро ба тозагӣ аз чоп баровард. Назар ба иттилои Фарҳод Каримов –директори нашриёти «Адиб», яке аз китобҳои мунташирнамудаи нашриёт асари таърихии нависандаи шаҳири тоҷик Сотим Улуғзода «Ривояти суғдӣ» аст, ки он хонандаро ба сайри таърихӣ раҳнамун месозад. Дар китоби «Ривояти суғдӣ» ҳамзамон драмаи «Рўдакӣ» ва ҳикояи «Марги ҳофиз» ҷой дода шудаанд. Ҳамзамон нашриёти «Адиб» асари дигари нависанда Сотим Улуғзода «Гавҳари шабчароғ» / «Вольшебный жемчуг» /-ро бо забони русӣ дар тарҷумаи адиб Мансури Суруш аз чоп баровард. Дастовези дигари «Адиб» ба ҷашни якасраи адиб китоби адабиётшинос Сироҷиддин Эмомалист, ки таҳти унвони «Сотим Улуғзода ва фарҳанги миллӣ» рўи чоп омад. Сотим Улуғзода аз нависандагони маъруфи тоҷик буда, бо иншои асарҳои таърихӣ дар ташаккули насри муосири тоҷик ва адабиёти он саҳми босазо гузоштааст.14.59.