Муаррифии «Қомуси синамои тоҷик»

Душанбе, 9 октябр. (АМИТ «Ховар», Мавҷуда Анварӣ). — Аввалин «Қомуси синамои тоҷик» дар маросими ифтитоҳи киноҷашнвораи байналмилалии «Дидор», ки 16 октябри соли ҷорӣ дар шаҳри Душанбе доир мегардад, муаррифӣ мешавад.  Тавре ки ба хабарнигори АМИТ «Ховар» директори киностудияи «Тоҷикфилм» Носир Саидов иттилоъ дод, рӯзи кушоиши киноҷашнвораи «Дидор» ба Рӯзи кинои тоҷик рост меояд.«Энциклопедияи синамои тоҷик»-ро мутахассисони машҳури киношинос Саъдулло Раҳимов ва Галина Элбаум омода намудаанд. Албатта, дар муддати 3-4 сол таҳия намудани «Қомуси синамои тоҷик», ки таърихи зиёда аз 80- сола дорад, хеле мушкил аст», — зикр намуд Н. Саидов. Тибқи суханони ӯ, ҳаводорони санъати кино метавонанд иттилои лозимиро аз рӯзи ташаккули кинои тоҷик, манбаъҳои он то кинои муосир ва ҳунармандони ин жанр дастрас намоянд. Ёдовар мешавем, ки нахустин кинои тоҷикии «Қатора ба Душанбе омад» ба намояндагони анҷумани ғайринавбатии Шӯрои вакилони Тоҷикистон соли 1929 намоиш дода шуда буд.