Вазири корҳои дохилии ФР дар Душанбе
Душанбе, 10 октябр. (АМИТ «Ховар», Мавҷуда Анварӣ). – Шоми дирӯз як ҳайати вазорати корҳои дохилии Федератсияи Русия бо роҳбарии вазири корҳои дохилии ин кишвар Владимир Колоколтсев ба Ҷумҳурии Тоҷикистон бо мақсади гузаронидани мушовараи навбатии муштараки вазоратҳои корҳои дохилии Ҷумҳурии Тоҷикистон ва Федератсияи Русия ба Душанбе ташриф овард. Меҳмонони олиқадрро дар фурудгоҳи байналмилалии Душанбе вазири корҳои дохилии Ҷумҳурӣ Рамазон Раҳимов пешвоз гирифт. Мушовараи муштараки вазоратҳои корҳои дохилии Ҷумҳурии Тоҷикистон ва Федератсияи Русия кори худро имрӯз 10 октябр оғоз хоҳад кард, ки дар он масъалаҳои ҳамкориҳои муштараки вазоратҳои корҳои дохилии Ҷумҳурии Тоҷикистон ва Федератсияи Русия дар мубориза бар зидди экстремизм, ошкор намудан ва пешгирии фаъолияти гурӯҳҳои ҷинояткори муташаккил ва иттиҳодияҳое, ки робитаҳои фаромиллӣ доранд, мавриди муҳокима қарор мегирад. Ҳамзамон дар ҷараёни ҷаласа дурнамои ҳамкориҳои муштараки вазоратҳои корҳои дохилии Ҷумҳурии Тоҷикистон ва Федератсияи Русия барои соли 2013 баррасӣ мегардад.Дар ин бора ба АМИТ «Ховар» сардори маркази матбуоти Вазорати корҳои дохилӣ Маҳмадулло Асадуллоев иттилоъ дод.
Пагоҳ дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
