Ҷамъомади идона дар Хадамоти муҳоҷират

Душанбе, 16 ноябр. (АМИТ «Ховар», Музаффар Рустамов). -Имрӯз дар Хадамоти муҳоҷирати назди Ҳукумати ҶТ бахшида ба 20-солагии Иҷлосияи 16-уми шӯрои Олии ҶТ ҷамъомад ботантана доир гардид. Дар ҷамъомад муовини аввали сардори Хадамоти муҳоҷират Анвар Бобоев оид ба масъалаҳое, ки дар Иҷлосияи 16-уми шӯрои Олӣ садо дода буданд, назари худро баён дошт. Дар ҷамъомад зикр шуд, ки мамлакат дар тӯли 20 сол баъд аз баргузор гардидани иҷлосияи мазкур ба дастовардҳои зиёд ноил гардид. Сардори шуъбаи робита бо ҷомеаи Хадамоти муҳоҷират Абдуллоҳи Қодирӣ дар бораи моҳияту манзалати сиёсии Иҷлосияи 16-уми Шӯрои Олӣ гуфт, ки: «Бо шарофати сулҳу субот, Ваҳдати миллӣ, Истиқлолияти давлатӣ ва Иҷлосияи 16-уми Шўрои Олии Ҷумҳурии Тоҷикистон обрӯ ва эътибори Ҷумҳурии Тоҷикистон дар арсаи байналмилалӣ баланд гардид. Дар фарҷоми ҷамъомад роҳбарияти Хадамоти муҳоҷират кормандони муассисаро бо 20-умин солгарди иҷлосияи 16-уми Шӯрои Олии ҶТ табрик намуданд. Дар ин бора сардори шуъбаи робита бо ҷомеаи Хадамоти муҳоҷирати назди Ҳукумати ҶТ Абдуллоҳи Қодирӣ хабар дод.