Бо фармоиши ҶДММ «Зарҳам»
Душанбе, 16 ноябр. (АМИТ «Ховар», Лаззат Диловарзод).- Бори аввал дар минтақаи Кӯлоб осоишгоҳи табобатӣ-истироҳатие бунёд мегардад, ки бо ҳамаи меъёрҳои ҷаҳонии табобату истироҳат мувофиқ аст,- иттилоъ доданд аз дастгоҳи шаҳрдории шаҳри Кӯлоб ба мухбири АМИТ «Ховар». Фармоишгари ин осоишгоҳи табобатӣ-истироҳатӣ корхонаи коркарди нахи пахтаи ҶДММ «Зарҳам» буда, лоиҳа аз ҷониби мутахассисони КВД «Лоиҳакаш»-и Агентии сохтмон ва меъмории назди Ҳукумати ҷумҳурӣ таҳия шудааст.Тибқи лоиҳа, ин осоишгоҳ аз 4 бинои оилавӣ, маҷмааи истироҳату фароғат, толори варзиш, ҳавзи шиноварӣ ва ошхонаву тарабхона иборат аст.Ба иттилои манбаъ, осоишгоҳ дар маҳаллаи Чашмасори ҷамоати Зиракии ноҳияи Кӯлоб ба маблағи 3 млн. сомонӣ бунёд мегардад. Дар осоишгоҳ дар як вақт 150 нафар истироҳату табобат гирифта метавонад. Боиси тазаккур аст, ки то ин вақт аҳолии минтақаи Кӯлоб аз хизматгузориҳои дигар муассисаҳои табобатию истироҳатии ба ин монанди ҷумҳурӣ истифода мекад, ки он на барои ҳамаи сокинони минтақа дастрас буд.
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Имрӯз дар шаҳри Душанбе ҳаво то 25 дараҷа гарм мешавад
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
