Густариши ҳамкориҳои Беларусу Тоҷикистон

Душанбе, 16 ноябр. (АМИТ «Ховар», Фирӯза Давлатова). –Дирӯз дар Вазорати энергетика ва саноати Ҷумҳурии Тоҷикистон вохӯрии вазири энергетика ва саноати ҶТ Гул Шералӣ ба сафири фавқулодда ва мухтори Ҷумҳурии Беларус дар Тоҷикистон Олга Гаврук баргузор гардид.Дар вохӯрӣ масъалаҳои ҳамкориҳои дуҷониба ва тавсеаи муносибатҳои мутақобилан судманд дар соҳаи саноат мавриди баррасӣ қарор гирифтанд.Тарафҳо ба мувофиқа омаданд, ки минбаъд низ ҳамкориҳои дуҷонибаро дар самтҳои мухталифи саноат густариш диҳанд.Ҷонибҳо аз натиҷаҳои вохӯрӣ изҳори қаноатмандӣ намуда, ҳамчунин иброз доштанд, ки имконияти васеъ намудани ҳамкориҳои дуҷониба ниҳоят зиёд аст.Дар ин бора ба мухбири АМИТ «Ховар» аз шуъбаи котиботи Вазорати энергетика ва саноати Ҷумҳурии Тоҷикистон иттилоъ доданд.