Иҷлосияи таърихӣ-роҳнамои ояндаи дурахшон

Душанбе, 15 ноябр. (АМИТ «Ховар», Назир Назиров).-15-уми ноябри соли ҷорӣ дар Кумитаи ҳифзи муҳити зисти назди Ҳукумати Ҷумҳурии Тоҷикистон бахшида ба 20-солагии Иҷлосияи таърихии 16-уми Шўрои Олии Ҷумҳурии Тоҷикистон ҷамъомади тантанавии идона баргузор гардид. Дар ҷамъомад муовини раиси Кумита Ойихон Шарифова гуфт, ки оромиву осудагии имрўзаи мардуми Тоҷикистон ба осонӣ ба даст наомадааст. Барои ба ин марҳала расидан нақши Роҳбари давлат Эмомалӣ Раҳмон ниҳоят бузург аст. Сардори Раёсати мониторинг ва сиёсати экологӣ Р. Хайруллоев дар мавриди моҳияту манзалат, ҳамчунин қадр намудани дастовардҳои миллӣ, амсоли Истиқлолияти давлатӣ, Ваҳдати миллӣ ва Иҷлосияи 16-уми Шўрои Олии Ҷумҳурии Тоҷикистон сухан гуфт. Дар ҷамъомад зикр шуд, ки дар тўли 20 соли баъд аз баргузор гардидани иҷлосияи мазкур, мамлакат ба дастовардҳои зиёд ноил шуд ва дар арсаи байналмилалӣ соҳиби обрў ва нуфуз гардид.