Конфронси илмӣ бахшида ба 20 – солагии иҷлосияи 16

Душанбе, 16 ноябр. (АМИТ «Ховар», Зебо Давлатова).- Дар толори Донишкадаи ҷумҳуриявии такмили ихтисос ва бозомӯзии кормандони соҳаи маориф бо дастгирии ректори донишкада .Латофат Назирова конфронси ҷумҳуриявии илмию назариявӣ бахшида ба 20-солагии Иҷлосияи 16-уми Шӯрои Олии Ҷумҳурии Тоҷикистон ва нақши он дар эъмори давлати демократӣ ва ҳуқуқбунёд баргузор гардид.  Дар конфронс вакилон ва иштирокдорони ин Иҷлосияи таърихӣ Рафиқа Мӯсоева , Адолат Раҳманова ва дигарон иштирок доштанд. Конфронс хотирмону бошукуҳ гузашта, иштирокдорони он аз хотираҳои вакилони мардумӣ Рафиқа Мӯсоева, Адолат Раҳмонова ва собиқ директори АМИТ «Ховар» Зайниддин Насриддинов огоҳ гардиданд.