Мулоқоти муовинони вазоратҳои корҳои хориҷӣ

Душанбе, 19 ноябр. (АМИТ «Ховар»). – Дар ҳошияи ҷаласаи 39 – уми Шӯрои вазирони корҳои хориҷии Созмони ҳамкории исломӣ дар шаҳри Ҷибутӣ мулоқоти муовини вазири корҳои хориҷии Ҷумҳурии Тоҷикистон Низомуддин Зоҳидов бо муовини вазири корҳои хориҷии Шоҳигарии Таиланд Ҷулапонг Нонсиш баргузор гардид.Дар ҷараёни мулоқот масоили муносибатҳои дуҷонибаи миёни Ҷумҳурии Тоҷикистон ва Шоҳигарии Таиланд, ҳамчунин масъалаҳои ҳамкории бисёрҷониба, аз ҷумла, ҳамкории ду кишвар дар доираи Созмонҳои ҷаҳонӣ, аз қабили Созмони Милали Муттаҳид ва Муколамаи ҳамкорӣ дар Осиё мавриди баррасӣ қарор гирифтанд. Ҳамчунин перомуни рушди минбаъдаи ҳамкорӣ табодули афкор баргузор шуд.Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ хабар доданд.