Нашъамандӣ бояд пешгирӣ шавад

Бадахшон, 17 ноябр. (АМИТ «Ховар», Л. Додо).-Дар Раёсати Агентии назорати маводи нашъаовари назди Президенти Ҷумҳурии Тоҷикистон дар ВМКБ ҷамъомад доир гардид, ки дар он масъулони Прокуратураи шаҳри Хоруғ ширкат варзиданд. Дар ҷаласа асосан роҳҳои паҳншавии маводи мухвддир ва зиёд шудани нашъамандон дар маркази вилоят мавриди муҳокима қарор гирифтанд. Тавре ки муовини прокурори шаҳр Афранг Булбулшоев иттилоъ дод, ҳоло шумораи гирифторони нашъа дар шаҳри Хоруғ ба 428 нафар расидааст ва паҳншавии маводи нашъадор зиёд ба назар мерасад Дар ҷамъомад зикр шуд, ки тамоми тадбирҳоро бояд андешид , то роҳи ҷараёни босуръати паҳншавии маводи мухаддир гирифта шавад, зеро шумораи аҳолии вилоят ба ҳисоби миёна 250 ҳазор нафарро ташкил медиҳад , вале теъдоди нашъамандон хеле зиёд аст.