Оқибати офатҳои табиӣ

Душанбе, 19 ноябр. (АМИТ «Ховар» Лутфия Эшонқулова). – Тайи 11 моҳи соли равон дар Тоҷикистон 305 ҳолатҳои фавқулодда ба кайд гирифта шуд, ки нисбат ба ҳамин давраи соли гузашта баробари 6 ҳолат зиёд аст. Дар ин бора сардори маркази матбуоти Кумитаи ҳолатҳои фавқулодда ва мудофиаи шаҳрвандии Тоҷикистон Ориф Нозимов ба АМТ «Ховар» хабар дод.Мувофиқи маълумоти манбаъ, тайи давраи зикршуда дар ҷумҳурӣ 29 зилзила, 114 ҳодисаи фуруди тарма, 91 ҳодисаи сар задани сел ва 19 ҳодисаи лағжиши қабатҳои замин ба қайд гирифта шуд. Аз оғози сол бар асари офатҳои табиӣ 26 нафар ҳалок гардид, ки назар ба ҳамин давраи соли 2011 баробари 17 нафар зиёд аст.