«Тоҷиксодиротбонк» дар ноҳияи Ишкошим

Хоруғ, 17 ноябр. (АМИТ «Ховар», Л.Додо ). – Дар арафаи ҷашни 20 – солагии Иҷлосияи 16 – уми Шӯрои Олии Ҷумҳурии Тоҷикистон дар ноҳияи Ишкошим, бинои нави ҳозиразамони саҳомии шакли кушодаи «Содиротбонк» мавриди истифода қарор дода шуд. Бахши бонк ду сол қабл дар ноҳия ба фаъолият шурӯъ намуда, танҳо ҳоло дорои бинои худӣ гардид.  Бинои нави «Тоҷиксодиротбонк» дар маркази ноҳияи Ишкошим воқеъ буда, дорои шароити замонавии корист ва дар ин ҷо 25 нафар фаъолият доранд. Қарздиҳии он беш аз 2,5 миллион сомониро ташкил медиҳад. Ҳоло 500 нафар муштарӣ аз хизмати бонк истифода мебарад.