Вусъати корҳои сохтмонӣ дар Кӯлоб

Кӯлоб, 21 феврал. (АМИТ «Ховар», С.Холов). – Дар соли 2012-ум дар Кӯлоб 17 коргоҳу корхонаи хурду бузурги саноатӣ ба фаъолият пардохт, ки дар онҳо беш аз 2300 ҷойи нави корӣ муҳайё гардид. Ҳамзамон аз ҷониби соҳибкорон сохтмони иншооти гуногуни маданию маишӣ ва хизматрасонӣ вусъати тоза касб менамояд. Дар маркази шаҳр бинои маркази тиҷоратии панҷошёна бо тархи муосири сохтмонӣ қомат афрохта истодааст, ки дар корҳои сохтмонии он беш аз 22 нафар сокини маҳаллӣ ҷалб гардидааст. Сохтмони ҳамин гуна иншоот дар дар марказҳои 4 чамоати деҳот ва деҳаҳои сераҳолӣ босуръат идома дорад. Ҳукумати шаҳри Кӯлоб барои сохтмони корхонаҳои саноатӣ ва иншооти маъмурию маданӣ дар маркази шаҳр замин ҷудо намуд, ки он ба соҳибкорон аз тариқи тендер дастрас мегардад.