Ҷаласаи комиссияи байниҳукуматии Тоҷикистону Швейтсария

Душанбе, 5 март. (АМИТ «Ховар», Фарзона Дӯстматова). – Ба манзури рушди муносибатҳои байни Ҳукумати Ҷумҳурии Тоҷикистон ва Шӯрои Федералии Швейтсария 5 март дар шаҳри Душанбе ҷаласаи якуми Комиссияи байниҳукуматӣ оид ба ҳамкории тиҷоратию иқтисодӣ баргузор гардид. Роҳбарии ҳайати Швейтсарияро вакили Шӯрои федералӣ оид ба созишномаҳои тиҷоратӣ, масъули муносибатҳои дуҷонибаи иқтисодии Котиботи давлатӣ оид ба ҳамкории иқтисодӣ Эрик Мартин ва ҳайати Ҷумҳурии Тоҷикистонро муовини аввали вазири рушди иқтисод ва савдои ҷумҳурӣ Бӯриев Неъматҷон ба ӯҳда доранд.Дар ҷаласа ба татбиқи лоиҳаҳои муштарак, истифодаи сармояҳо ва вусъати фаъолияти соҳибкорӣ таваҷҷӯҳи хоса зоҳир гардид. Қобили зикр аст, ки соли 2011 муомилоти моли байни ҳар ду кишвар 62 миллиону 900 ҳазор долларро ташкил дода, соли 2012 ин рақам ба 95 миллиону 700 ҳазор доллари ИМА расид.