Боздиди узви палатаи лордҳо аз Парлумон
Душанбе, 5 март.(АМИТ «Ховар», Марзия Саидова).- Таҳкими раванди ҳамкориҳои парлумонҳои Тоҷикистону Британияи Кабир дар меҳвари мулоқоти раиси Кумитаи қонунгузорӣ ва ҳуқуқи инсони Маҷлиси намояндагон Маҳмадалӣ Ватанов ва узви палатаи лордҳои Парлумони Британияи Кабир хонум Баронесса Вивйен Стерн қарор дошт. М. Ватанов доир ба фаъолияти Кумитаи қонунгузорӣ ва ҳуқуқи инсони палатаи поёнии Парлумони мамлакат иттилоъ дод. Мавсуф зикр кард, ки қонунҳое, ки дар бахши ҳифзи ҳуқуқу озодиҳои инсон аз тарафи вакилони Маҷлиси намояндагон таҳия ва қабул шудаанд, аз сӯи ҷомеаи ҷаҳонӣ ва созмонҳои гуногуни байналмилалӣ баҳои баланд гирифтанд, зеро инсон ва ҳуқуқу озодиҳои он дар Ҷумҳурии Тоҷикистон арзиши муқаддас ба шумор мераванд. Узви палатаи лордҳои Парлумони Британияи Кабир хонум Баронесса Вивйен Стерн иқдомоти Маҷлиси намояндагонро ҷиҳати таҳия ва қабули қонуну санадҳои марбут ба ҳифзи ҳуқуқу озодиҳои инсон муассир арзёбӣ кард. Вай изҳори умед кард, ки Парлумони Тоҷикистон дар самти беҳбуди вазъи иҷтимоиву иқтисодии кишвар қонуну санадҳои ҷавобгӯи меъёрҳои байналмилалиро қабул хоҳад кард.Мавриди зикр аст, ки ин севвумин сафари узви палатаи лордҳои Парлумони Британияи Кабир хонум Баронесса Вивиен Стерн ба Тоҷикистон аст.
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар Донишгоҳи техникӣ ва Донишгоҳи аграрӣ нишасти матбуотӣ баргузор мегардад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
