Дипломи тиллоӣ ба «МегаФон»

Душанбе, 16 март (АМИТ «Ховар»).-15 марти соли 2013. Ҷумҳурии Тоҷикистон Шӯрои ҳамоҳангсозии Ассотсиатсияҳои соҳибкорон ва иттиҳодияҳои ҷамъиятии Тоҷикистон ба муносибати 10-умин солгарди фаъолияти Ассосиатсияи дастраскунандагони алоқаи мобилӣ дар ҷумҳурӣ ба ширкати «МегаФон» Дипломи тиллоӣ супорид. «Тоҷикистон – кишвари дорои релефи мураккаб буда, 93% ҳудуди Тоҷикистонро кӯҳҳо фаро гирифтаанд. Ин омилҳо дар роҳи таъсиси иртиботи босифати мобилӣ мушкилиҳои иловагиро пеш меоранд, — изҳор дошт раиси Шӯрои ҳамоҳангсозии Ассотсиатсияҳои соҳибкорон ва иттиҳодияҳои ҷамъиятии Тоҷикистон Зайд Саидов. – Бо вуҷуди ин, баъд аз анҷоми сафарҳои сершумор ба кишварҳои зиёди ҷаҳон банда метавонам сифати хизматрасониҳои иртиботи мобилиро муқоиса бикунам ва бо итминон бигўям, ки дар кишвари мо хизматрасониҳои иртиботи мобилӣ дар сатҳи хуб қарор доранд». «Дипломи мазкур – баҳои баланд бар фаъолияти мо дар ҳудуди кишвар ба ҳисоб меравад, — мегӯяд директори иҷроияи ширкати «МегаФон» дар Тоҷикистон Андрей Шишковский. Танҳо дар соли гузашта мо беш аз 500 истгоҳи нави иртиботи бесими 2G ва 3G-ро ба кор даровардем. Дар ҳоли ҳозир муштариёни ширкатро бо алоқаи боэътимод беш аз 2 000 ИИБ, ки 170-тои онҳо дар минтақаҳои дурдасти кишвар қарор доранд, таъмин мекунанд. Мутмаинам, ки бо шарофати сохтмони бузурги шабака, васеъшавии доираи хизматрасониҳо ва беҳтар гаштани сифати хизматгузорӣ барои муштариён кишвари мо имкон пайдо мекунад, ки аз рӯйи сатҳи рушди технологияҳои мобилӣ бо давлатҳои пешсафи ҷаҳон баробар шавад».