Махзани ҳифзи хотираи таърих

Ҳисор, 10 апрел. (АМИТ «Ховар», Ҳотам Рабиев).-Филиали бойгонии марказии давлатии Ҷумҳурии Тоҷикистон дар шаҳраки Ҳисор 50 сола шуд. Ин муассисаи бонуфуз дар тӯли фаъолияташ дар ҳифзи ҳуҷҷатҳои зарурӣ саҳми арзанда дорад. Теъдоди кормандони бойгонӣ ҳоло 8 нафар буда, баҳри сари вақт ҷамъ овардан, ҳифз кардани маводи зарурӣ кӯшиши зиёд ба харҷ дода мешавад.Дар филиали мазкур корҳои илмию иттилоотӣ хуб бар роҳ монда шудаанд. Дар як муддати кӯтоҳ аз маводи хазинаи бойгонӣ 11 китоби таърихию фарҳангӣ пешкаши хонандагон гардид. Китобҳои «Ҳисори Шодмон», «Сарчашмаи файзу саодат», «Зилзилаи Ҳисор», «Маҳфузгарони таърих» аз ҷумлаи онҳост. Дар ҳама давру замон бойгонӣ на танҳо барои муҳаққиқон, балки барои ҳокимону давлатдорон ва баҳри ба насли оянда гузоштани хотира аз даврони муайяни таърихӣ зарур аст.