Рушди саноати сабук дар Кӯлоб

Кӯлоб, 30 апрел. (АМИТ «Ховар», С.Холов). – Дар шаҳри Кӯлоб дар доираи татбиқи Паёми Президенти ҶТ дар мавриди рушди саноати сабук барои солҳои 2006 – 2015, инчунин таъсиси корхонаҳои саноатӣ, дар ин замина дучанд зиёд кардани истеҳсоли гӯшту шир, меваю сабзавот ва дигар маҳсулоти рӯзмарраи мардум қарори раиси шаҳр ба тасвиб расид. То ин муддат корхонаҳои саноатӣ дар якҷоягӣ бо бахши хусусӣ ба маблағи 114 млн. 600 ҳазор сомонӣ маҳсулот истеҳсол намуданд, ки ин нисбат ба соли 2011 – ум 11 млн. 900 сомонӣ зиёд мебошад. Дар ин давра саноатчиён 13,1 ҳазор тонна орд, 2,6 ҳазор тонна маҳсулоти нонӣ, 1058 тонна гӯшт, 72,6 тонна ҳасиб, 73 тонна маҳсулоти ширӣ, 651 тонна равғани растанӣ, 2200 тонна нахи пахта ва 3928 тонна чигит истеҳсол намуданд.