Сӯхтор дар Литсеи президентӣ
Душанбе, 29 апрел. (АМИТ «Ховар», Лутфия Эшонқулова).-Имрӯз соати 08:13-дақиқа ба нуқтаи маркази алоқаи Сарраёсати Хадамоти давлатии оташнишонии ВКД хабари телефонӣ оид ба сӯхтор дар Литсей-интернати президентӣ, воқеъ дар кӯчаи Шерализода 17-и ноҳияи Синои шаҳри Душанбе ворид гардид.Тавре ки сомонаи расмии ВКД хабар медиҳад, фавран ба ҷойи ҳодиса 3 адад мошини сӯхторхомӯшкунӣ ва ду нақлиёти махсуси оташнишонӣ сафарбар карда шуда, роҳбарияти Сарраёсат низ ба ҷойи ҳодиса расиданд.Ҳангоми ба ҷойи ҳодиса расидани оташнишонон дар дохили посбонхона ва ошхона, ки дар шафати якдигар ҷойгиранд, дар масоҳати умумии 8 метри мураббаъ молу ашёҳо месӯхтанд. Дар натиҷаи гузаронидани амалиёти фаврӣ сӯхтор ба зудӣ иҳота ва дар соати 08:44-дақиқа пурра хомӯш карда шуд. Аз сӯхтор ҳеҷ кас зарари ҷисмонӣ набардоштааст. Аз мушоҳидаи мутахассисони соҳа бармеояд, ки эҳтимол сабаби сӯхтор расиши кӯтоҳи ноқилҳои барқӣ дар барқтақсимкунак бошад.Омилҳои сар задани сӯхтор ва миқдори зарар аз тарафи коршиносони Сарраёсати Хадамоти давлатии оташнишонии ВКД Ҷумҳурии Тоҷикистон муайян мешаванд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
