Таъмини бехатарии ҳуҷҷатгузорӣ дар қӯшунҳои сарҳадӣ

Душанбе, 10 апрел. (АМИТ «Ховар», Бекназари Абӯбакр). — Понздаҳ нафар корманди Сарраёсати қӯшунҳои сарҳадии кишвар дар семинари серӯза оид ба бехатарии ҳуҷҷатгузорӣ ширкат менамоянд.Семинари мазкур аз ҷониби Барномаи БОМКA, ки сарпарасташ Иттиҳоди Аврупо ва иҷрокунандааш БРСММ аст, дар ҳамкорӣ бо Маркази Байналмилалии Сиёсати Рушди Муҳоҷират ташкил шудааст.Дар ҷараёни семинар ду мутахассис аз Иттиҳоди Аврупо ба иштирокчиёни семинар оид ба системаи аврупоии назорати ҳуҷҷатҳо, ҳамчунин дар мавзуъҳои дастовардҳои навтарин дар бахши бехатарӣ ва мукаммал будани ҳуҷҷатҳо маълумот хоҳанд дод. Мавзуъҳои усулҳои муқаррарии чопкунӣ, технологияи рақамии чопкунӣ ва зинаҳои тайёркунии шаҳодатнома низ дар ҷараёни семинар баррасӣ хоҳанд гардид.Ҳадафи семинар- ин таъмини муқаррароти зинаи дуюми таҳияи ҳуҷҷатгузорӣ, ки ба системаи аврупоии сезинагии ҳуҷҷатгузорӣ асос ёфтааст, мебошад. Кормандони салоҳиятдори назорати марзӣ, ки дорои таҷриба ва дониши кофӣ оид ба бехатарии ҳуҷҷатгузорӣ мебошанд, дар семинари мазкур бо кори амалӣ, яъне ҳуҷҷатҳо ва ҳолатҳои воқеӣ машғул хоҳанд шуд.