Андӣ ба Тоҷикистон омад

Душанбе, 3 май. (АМИТ «Ховар», Баҳманёр Муродов).-Овозхони маъруфи иронии муқими Амрико Андӣ Мададиён бо як сафари ҳунарӣ ба Душанбе омада, қарор аст, ки рӯзи 5-уми май дар Кохи Ваҳдат бо овозхони шинохтаи тоҷик Ҷонибек Муродов барномаи ҳунарӣ баргузор намояд.   Андӣ, ки бо забонҳои форсӣ, арабӣ, ҳиндӣ, англисӣ ва арманӣ суруд мехонад ва то имрӯз аз ӯ албомҳои зиёде чун «Духтари бандар», «Беқарор», «Шаҳри фариштаҳо», «Интизор» мунташир шудаанд, дар кишвари мо аз маҳбубияти камназир бархурдор аст ва бори сеюм аст, ки ба Тоҷикистон меояд.