Дар пойтахт ситод таъсис дода шуд

Душанбе Душанбе, 3 май.(АМИТ “Ховар”, Марзия Cаидова).-Шаҳрдории Душанбе ҷиҳати омодагӣ ба мавсими тирамоҳу зимистони солҳои 2013-2014 тадбирҳои мушаххас меандешад. Дар робита ба ин дар асоси қарори марбутаи раиси шаҳри Душанбе Маҳмадсаид Убайдуллоев дар пойтахт ситоди омодагии пойтахт ба мавсими тирамоҳу зимистони солҳои 2013-2014 созмон дода шуд, ки онро муовини аввали раиси шаҳри Душанбе Насрулло Хайруллоев роҳбарӣ менамояд. Инчунин ба ҳайати ситод муовинони раиси шаҳр, раисони ноҳияҳои пойтахт ва дигар сохтору мақомоти марбутаи шаҳри Душанбе шомиланд. Тибқи қарори мазкур ҷаласаҳои ситод аз моҳи май то нимаи моҳи сентябр ҳар рӯзи ҷумъа, аз 15 сентябр то 15 ноябр дар як ҳафта ду маротиба ва аз 15 ноябри соли 2013 то 15 марти соли 2014 ҳар рӯз гузаронида мешаванд.