Боздиди намояндагони Бонки ҷаҳонӣ аз «Амонатбонк»

Душанбе, 10 декабр. (АМИТ«Ховар», Лайло Қосимова). -9 декабри соли равон ҳайати намояндагон аз Бонки ҷаҳонӣ бо роҳбарии мутахассиси соҳаи молиявӣ, Бретт Коулман ба «Амонатбонк» ташриф оварданд, ки мақсади боздид бархурдорӣ аз фаъолияти корӣ дар риштаҳои гуногуни «Амонатбонк» буд.  Таваҷҷуҳи бештари меҳмонон ба фаъолияти корӣ дар «Амонатбонк» ҳамчун бонки давлатӣ ва ҷалби пасандозҳову пардохтпазирии бонк дар тафовут бо дигар бонкҳои саҳомии кишвар буд. Дар робита ба ҷалби пасандозҳо ва пешниҳоди қарзҳои хурд онҳо бештар таваҷҷуҳ ба пешгирии хавфҳои бонкӣ дар «Амонатбонк» ва кор дар ин самтро пурсон шуданд. Тавре ки аз хадамоти матбуоти «Амонатбонк» хабар доданд, инчунин дар вохӯрӣ муносибат ва ҳамкориҳои хориҷии «Амонатбонк» мавриди баррасӣ қарор гирифта, масъалаи пешниҳоди қарзҳои хурд барои рушди хоҷагии қишлоқ аз ҳисоби маблағҳои худии бонк ва сармояи хориҷӣ низ мавриди омӯзиш ва баррасии меҳмонон қарор гирифт. Тарафҳо аз вохӯрӣ ва масъалаҳои баррасишуда изҳори қаноатмандӣ намуданд.