Ш.Саид дар форуми иқтисоддонон ширкат мекунад

Душанбе, 10.04.2014. (АМИТ «Ховар,  Кристина  Эрлих). — Вакили  Сенати Парлумони  Қазоқистон — ҳамраиси  Шӯрои   ҳамоҳангсозӣ   Серик  Нугербеков  раиси Палатаи  савдо  ва  саноати  Тоҷикистон  Шариф  Саидро  даъват  намуд, ки   дар  кори   Форуми  У11 иқтисодии  Остона  ва  Конфронси 11  умумиҷаҳонии  зиддибӯҳронӣ, ки  аз  21  то  23  май  баргузор  мешаванд,   иштирок  намояд.
Тавре  ки  аз  Палатаи  савдо  ва  саноати  ҶТ  ба  АМИТ «Ховар»  хабар  доданд,  Форуми  иқтисодии  Остона   яке  аз  ҷамъомадҳои  калонтарини  байналмилалии  ҷаҳон  ба  шумор  рафта,  ҳар  сол  дар  он роҳбарони  кишварҳои  ҷаҳон, коршиносону  намояндагони аҳли ҷамъият ва  созмонҳои тиҷоратӣ  барои  ҷустуҷӯи  роҳҳои рафъи   хавфу хатар ба  иқтисодиёту  иҷтимоиёти  имрӯза  иштирок  менамоянд.
Мақсад  аз  ин  форум ҳамкории  мутақобилан  муфид,  мусоидат  ба  ҷалби  сармояҳо,  рушди   бахши  иҷтимоӣ,  ҳамчунин  фароҳам  овардани  шароити   зарурӣ барои  пешрафти  иҷтимоию иқтисодии  Қазоқистон,   густариши   ҳамкории олимон,  ходимони  давлатӣ  ва  соҳибкорон,  ҳамчунин  таъмини рушди доимии  иқтисодиёти  ҷаҳон  аст.